Gabon on!

Familian, lagunekin, mendian, hondartzan, Kariben, Argentinan edota tokatu edo aukeratu zaizun lekuan pasa itzazu gabon zoragarrixek!

Gabon on by mdbt

mdbt irudi galeria berria

Argazkilaritza, margoak, apaingarriak eta bizitzeko moduak biltzen dittu bere baitan mdbt taldeak.

Hasiera pinturako eskoletan egon liteke edo gure izateko moduaz konturatzen hasi ginenean. Txokolatezko bokadiloa plazan bilduta jaten genuen garaietan.

mdbt argitaratutako azken lanean (2009 abendua) argakzi arrakastatsuena bertikala izan zen. Orduan idatzitako ipuin batetik abiatu ginen, aurten audio bat izango da abiapuntua.

Kamara prest dugu taldean eta lekua aspaldi egin genuen geure, han izango gara aurtengo abenduan ere eta emango dizugu azken lanaren berri. Bitartean, izan zuk zeuk ere zeure modua.

C'est prive ; making off

Lorik egin ezin dudanetan, itzarrik izaten naiz eta gauerdia eta gero datozen orduek ideia batzuk oparitu izan dizkidate.
Horixe gertatu zitzaidan lehengoan . Errua sentitu izan dut, biharamuneko loguretan sarri, baina kasu honetan errudun honek ez du damu zantzu izpirik.

Behin ideia edukita gidoia frantsesez idatzi nuen eta ez galdetu zergatik, frantsesez hitzegiten ez dakit eta. Baina hizkuntza bat ikasteko modua iruditu zitzaidan. Beno pisukidea Bordeauxekoa da eta salan jarrita nire ondoan zegoen. Agian eragina izan dezake.

Proiektuak baina publikoa behar zuen izan, guztiona, ez nirea bakarrik. Helburua pribatutasuna kritikatzea baldin bada, nola egin hori proiektu pribatu batekin.
Lan honekin jendearen kontzientzian eragin nahi baldin badut gainera, parte hartuko zuten artisten kontzientzian eragiten hastea zela gakoa pentsatu nuen.

Mugikorreko zerrenda hotzean aurkitu nituen aproposenak. Bustitzen diren horietako lagunak, eta eragin nien laranjei eragiten dieten beste haien zukua edan nahi dudanetan.

Francesca, Alazne, Maria, Gorane, Lur, Landa, Jon, Julen, Zuga eta Mikeli zor diet ideia gauzatzeko prozesua. Zer litzateke bada C'EST PRIVE laburmetraia berau osatu dutenak barik?.
Azpimarratu nahi dut, zapatua zela, goizeko 9:00ak eta tenperatura alturik ez zela Sopelanako hondartzan.

Mila esker :) barru barrutik

p.d: ez nuke guzti honekin gozatuko publikoa ez balitz , eta pribatu izena eman diot. ulertuko duzue zergatik. post-produkzio lanetan gabiltz. eman hilabete eta zuena duzue lana

Gazte baten bizitza

Zein da imaginatu duzun gazte honen bizitza?

Karmele & Garikoitz

Entzun. Aspertu egin dira eta internet tartean da.Entzun.

p.d: krisi egoera da, eta ez da kazetaritzari buruzkoa

Ir a descargar

Renoir Prado museoan

Madrilen Renoiren erakusketa ixegita dago. Hau gozamena. Ikasle izanda gainera, 0€ izan da sarreraren prezioa.

Impresionismokoak dira Renoiren lanak. Baina sekulako antzekotasunak ditu Adrian Belokiren ustez Van Gogh margolariarekin, nahiz eta azken honen lanak expresionismo barruan sailkatzen diren.

Gogoko dut pintura arloko mugimenduetaz eztabaidak sortzea, guztiek dute eta ematen zaien izenaren barruan sartzen ez diren lienzoak. Eta barregura ematen dit neri horrek, izan ere, margolari hauek margotu beren erara egiten zuten eta kitto. Beren modura, kontutan hartu barik kubismo, impresionismo, expresionismo, edota realismokoak ete ziren.

p.d: perfekzionismotik badu Renoirek ere zerbait, multzo honen izendapenaren esangura behintzat bai

Superpop

Lagun gehiegi dittu kazetaritzak, ezta konfidantzazko inor bederen. Zer pentsatua eman dit ordea Javier Candeiraren artikulu batek.

Berriekatik sekula inork ez duela dirurik eman dino. Hau da, konjuntoagatik bai, baina eskela, gehigarri, opari , propaganda eta publizitateagatik. Eta batura hori dira paperezko egunkariak, noski.

Beste aldebatetik begiratuta, konjunto horren saltzeko arrazoia notiziak, berriak dira. Hau da, ez da berriengatik erosten baina berrien izenean eginiko ekintza gisa definitu du mutilak kazetaritzaren paperezko emaitza.

Asko gustatu zait bere hausnarketa.

..Eta Superpop erosten nueneko garaietaz oroitu naiz. Nik ordea ez nuen opariagatik erosten. Etxe azpiko dendaraino pijamatan jeisteagatik, eta baita sobratzen zitzaidanarekin goxokirenbat erosteagatik, edota erosketa horretan nintzena baino nagusiagoa sentitzeagatik izaten zen.

p.d: Alabaina, horiek ere opari txikitxoak ziren, beste erabatekoak, baina jasotzea gustatzen zaizkizun horietakoak. Opariak finean hauek ere.